Transcription
1
Monsieur, je vous escrivis lundi de Gargas par
2
ung laquay que lon vous a renvoyé ; despuis
3
il ne cest présanté aultre chose. Mon filz
4
de La Coste revint avant-hier d’Avignon, où Il
5
vist plusieurs serviteurs de feu monsieur le
6
conte de Tende bien desoulés. Chascung tient
7
quil a esté empoisonné, come je vous prie
8
de voir plus emplement en celes que jescris
9
à messieurs d’Evènes et de La Roche que
10
jay laissé à cachiet overt pour cest effet ;
11
et commandés sil vous plait que ledit paquet
12
où elles sont, sont mis dans la première
13
despeche que vous ly ferés, dans lequel il
14
y a de lettres pour monsieur de Chastelard
15
et pour monsieur Besson, vous remerciant bien humblement
16
monsieur de ce quil vous plait de vous comptanter
17
de faire tenir argent à Jehan Baptiste par mesme
18
moyen que vous en ferés tenir à mon filz de Gargas.
19
Je mettray ce bien fait avec les aultres pour men
20
revencher auci mal que jay fait pour le passé.
21
Monsieur de Carses ma sceu mervelheusement
22
bonne grace des présantasions que je luy ay faites
23
par lhomme que je luy ay envoyé et men a fait
24
une bien fort honneste et gratieuse responce.
25
Jay encores ce jourdhui vit en me venant
26
yci madamoiselle de Cazeneufve et votre petit
27
peuple. Jay trové madite damoisele se boytant
28
[v] ung peu de son genoul, plus que le ne souloyt.
29
Elle ma incontinent dit que ce nestoit que
30
mal de vilhesse. Et pour la fin, je salue
31
voz bonnes graces et celes de madame de Gordes
32
de toutes noz très humbles recommandations.
33
Je prie le Créateur vous donner
34
Monsieur avec les siennes très saintes, très bonne, longue
35
et heureuse vye. D’Apt, ce XVIIe doctobre 1572
36
Votre très humble cousin et affectionné
37
serviteur
38
F de Lacoste
39
Ma femme ne se peult encores bien remettre, aiant encores quelques foys
40
esmotions et altecations et moins maulx des coliques du grand. Jespère
41
que cela se passera, ce pendant, ele nose bouger encores de ceste ville,
42
et je la désire à La Coste